Enkargu berriak Donostiako Unibertsitate Ospitalean eta Galdakaoko Ospitalean

26/10/2021

ONDOANek Osakidetzak-Euskal Osasun Zerbitzuak sustatutako beste horrenbeste proiektutarako esleitutako bi obra jaso ditu: Galdakaoko Ospitaleko gorpu-gunea (Bizkaia) eta Donostiako Unibertsitate Ospitaleko Endoskopia Gunea (Gipuzkoa).

Obra horietatik lehenengoaren helburua Galdakaoko Ospitaleko gune bat gorpu-gune gisa gaitzea da, autopsia-gelarekin, tumulu, gorpuak biltzeko eta tratatzeko lekuekin eta abarrekin. Gela horietan lan egiten duten langileak kutsaduretatik babesteko dauden behar desberdinak direla-eta, gela bakoitzean presioak kontrolatzeko sistema independente bat instalatuko da. Bigarren proiektuan, Construcciones Monteguirekin aldi baterako enpresa-elkartean, egin beharreko lanak Donostia Ospitaleko Arantzazu eraikineko -1. soto-solairuan egingo dira. Gaur egun gune hori Kanpoko Kontsulta kirurgikoen arloak hartzen du. Solairua erabilera berrirako egokituko da: endoskopietarako lau gela, aldagelak, ebakuntza aurreko eta ondorengo boxak, komunak, etab. Lan horien barruan sartuko da alderdi zibilari eta instalazioei dagokien egokitzapena.