ONDOANek laguntza ematen dio euskal industriari EEEren 2026rako energia laguntza berrien aurrean

Energiaren Euskal Erakundeak (EEE) 2026rako laguntza lerro berriak abiarazi ditu, Euskadiko industria eta enpresa sarean trantsizio energetikoa bultzatzeko. Testuinguru horretan, ONDOANek berretsi egiten du energia zerbitzuetako partner estrategiko gisa duen konpromisoa, bere bezeroei proiektu jasangarri eta eraginkorrak garatzen eta ezartzen lagunduz.

EEEren laguntza berriak funtsezko aukera dira, kostu operatiboak murrizteaz gain, erakundeen lehiakortasuna eta posizionamendu jasangarria hobetzen laguntzen duten ekimenak bizkortzeko.

Diruz lagundu daitezkeen jarduketen artean hauek sartzen dira: lehendik dauden ekipo, instalazio eta prozesu industrialen hobekuntza edo ordezkapena; kudeaketa energetikorako sistemen ezarpena; ekoizpen-lerro berrien garapena; berotegi-efektuko gasen emisioak murrizteko jarduketak; eta energia-eraginkortasuneko, elektrifikazioko eta deskarbonizazioko proiektuei lotutako instalazio elektrikoen egokitzapena.

Era berean, programak ekoizpen prozesuei lotutako sorkuntza termikoko sistemak eraginkortasun handiko bero ponpetan oinarritutako soluzio berriztagarriekin ordezkatzea aurreikusten du, energiaren kontsumoa eta CO₂ emisioak murrizten laguntzeko.

Industriako sektore askotan duen esperientziari eta ikuspegi integralari esker, ONDOANek proiektuaren fase guztietan ematen du laguntza: jarduera hautagarrien identifikaziotik, energia aurrezpenen kalkulura eta CO₂ murrizketara, EEE ratioak betetzen direla egiaztatzera, memoria teknikoaren prestakuntzara, diru-laguntza edo/eta CAEen izapidetzera eta egikaritzera eta inbertsioaren justifikaziora.

Eraginkortasun energetikorako edo energia berriztagarrietako proiektuak abian jartzea baloratzen ari diren erakundeentzat,2026a une estrategikoa da eskuragarri dauden finantzaketa lerro berriak aprobetxatzeko.

SARTU ONDOANen ZERBITZU ENERGETIKOEN BIDEOAN