Taldeak Vitoria-Gasteizko jarduketan hartzen du parte ONDOAN “SmartEnCity” Proiektuan

10/09/2018

ONDOAN Taldeak “Towards Smart Zero CO2 Cities across Europe” proiektuan hartzen du parte. Europako hiriak, hiri ingurune iraunkorrak, “smart” izenekoak, eta baliabideen erabileran eraginkorrak bilakatzeko ikuspegi sistemikoaren garapenera zuzendutako ekimena da. Helburua, Europan errepika daitezkeen estrategiak ezartzea da, energiaren eskariaren murrizketarekin zein iturri berriztagarrietatik lortutako energiaren hornidura ahalik eta gehien zabaltzearekin.

SmartEnCity proiektua Europako hiru hiritan ari da definitzen, planifikatzen eta ezartzen: Vitoria-Gasteizen, Tartun (Estonia) eta Sondenborgen (Danimarka). Proiektua Leccen (Italia) eta Asenovgraden (Bulgaria) errepikatuko da.

Vitoria-Gasteizko jarduketa Arabako hiriburuko “Koronazio” auzoan ari da gauzatzen, eta etxebizitzen birgaitze energetikoan, Osasunerako Ur Beroaren (OUB-ACS) eta berokuntzaren produkzio zentralizaturako eta hornidurarako “district-heating” sarearen sorkuntzan eta mugikortasun jasangarri soluzioetan oinarritzen da, batez ere.

2016an hasi zen eta 2021ean amaituko den proiektua Tecnalia Fundazioak koordinatzen du, eta partzuergoak sei herrialdetako 35 bazkide biltzen ditu. Vitoria-Gasteizko jarduketako partaideen artean hauek daude: hiriko Udala eta bertako Ingurumen Azterlanen Zentroa (IAZ-CEA); VISESA, etxebizitzekin erlazionatutako esku-hartzeen sustatzaile eta koordinatzaile gisa; district heating sistemaren diseinuaz eta instalazioaz arduratzen den GIROA; third party gisa LKS Ingeniaritza eta MONDRAGON UNIBERTSITATEA, ETIC Embedded Technologies Koop. Elk. barne hartzen dituen MONDRAGON KORPORAZIOA, kudeaketa plataforma garatuz; mugikortasun soluzioak eskaintzen dituen FAGOR EDERLAN; ACCIONA, ESTUDIOS GIS eta, desegin ondoren ONDOANek ordeztu duen MCC TELECOM eta LKS Azpiegiturak, etxebizitzen energia kontsumoen eta ingurumen baldintzen monitorizazioaz arduratzen direnak, eta baita eskuratutako datuak biltzeaz eta kudeatzeaz ere. Ekainean hasi da hiru komunitate piloturen monitorizaziorako sentsoreen instalazioa.