Elgoibarko (Gipuzkoa) Olaizaga kiroldegiko igerileku berriaren eta beste espazio batzuen egokitzapena

18/03/2022

ONDOANek Aireztapen, Klimatizazio, Gas natural eta Ur bero sanitarioaren Ekoizpen berriko instalazioak egin ditu Elgoibarko (Gipuzkoa) Olaizaga Udal Kiroldegiko espazio berriak egokitzeko proiektuan. Horien artean, igerileku estali berria, beheko solairuko aldagela- eta komun-gune berrituak eta lehen solairuan dagoen gimnasioa nabarmentzen dira.

Eraikinaren klimatizazioa modu independentean egin da esparru bakoitzerako. Horrela, aldageletako eta gimnasioko berokuntza bi klimatizagailuren bitartez gauzatuko da, airea hedatzeko dagokion hodi-sarearekin, zirkuitu hidraulikoarekin eta ponpaketa independentearekin. Igerilekua, bestalde, bai lokalaren bizitza erabilgarrirako, bai erabiltzaileen bainurako hezetasun- eta tenperatura-baldintza egokiei eusteko aukera ematen duen hezetasuna kentzeko ekipo baten bitartez tratatzen da; halaber, ekipoak igerilekuko itzulerako aire hezea hozteko zikloan sortutako beroaren parte bat berreskuratzeko aukera ematen du, ontziko ura berotzeko.

Bero nagusia sortzeari dagokionez, gas naturaleko 500 kW-eko talde termiko baten bitartez egiten da, klimatizagailuetako berokuntza-zirkuituen, igerileku berriko ontziko ura berotzeko zirkuituaren eta ur bero sanitarioaren ekoizpena hornitzeko.

Era berean, drain-back sistema duten eguzki-kolektoreen instalazioa jarri da galdara-zirkuituarekin paraleloan ur bero sanitarioa ekoizteko. Sistema horri esker, likido bero-eramailea depositu espezifiko batera hustu daiteke modu automatikoan.