ONDOAN, Bermeon (Bizkaia) ospatutako Suaren Egunaren babeslea

13/05/2022

ONDOAN, Tecnifuego Suteen aurkako Babes Elkarteen Espainiako Elkarteak antolatzen duen Suaren Egunaren zazpigarren edizioaren erakunde babeslea da. Jardunaldia Suteen aurkako segurtasunaren sektorea balioesteko eta sentsibilizatzeko asmoz antolatu da, eta Bermeon bildu dira arlo horretan lan egiten duten erakunde publiko eta pribatu nagusiak. ONDOANen izenean, Suteen Aurkako Babeserako Arduradun Teknikoa, Francisco J. Martín, egon da bertan.

Pandemiaren ondoren modu presentzialean egiten den lehen Suaren Eguna da, eta, beraz, sektorearen topagune gisa beteko duen lekuak garrantzi berezia hartu du. Jardunaldia Jose San Anton Eusko Jaurlaritzako Larrialdi eta Meteorologia Zerbitzuko planifikazio teknikariaren ‘Suteen aurkako babesaren espezializazioaren alde ari gara lanean ‘goiburua duen hitzaldiarekin hasi da.

Antonio Tortosa Tecnifuego elkarteko presidenteordeak eta Francisco Llaneza Segurtasun Pribatuko Unitateko buruak ‘Segurtasun-zuzendarien erantzukizuna suteetatik babesteko instalazioetan’ izan dute hizpide, eta Jon Michelena Cepreveneko zuzendariak, berriz, ‘Suteen aurkako babeseko espezialista’ irudiaren papera jorratu du.

Programaren bigarren zatian, gai teknikoak eta araudiekin erlazionatutakoak jorratu dira, horien artean digitalizazioaren sustapena larrialdiaren prebentzioan, mantentze-lanetan eta kudeaketan. Suaren Egunari amaiera emateko, Pedro Luis Izaga Bizkaiko Foru Aldundiko Larrialdietako eta Babes Zibileko zuzendari nagusiak, ‘Prebentzioaren garrantziaren’ inguruan egin du berba.

Jardunaldiaren amaieran, ‘Suteek hil egiten dute. Babesa posible da’ kanpainaren barruan, Tecnifuegok 340 detektagailu autonomo eman dizkio Aritz Abaroa Bermeoko alkateari, eta udalak egoera zaurgarrian dauden pertsonen beste horrenbeste etxetan jarriko ditu.