I+G PROIEKTUAK – HAZITEK PROGRAMA. TRAZASTOCK: Azpiegitura handietako prozesuak digitalizatzeko eta gainbegiratzeko sistema integrala, fluxuak eta STOCKaren trazabilitate adimenduna kontrolatzeko

18/03/2021

TRAZASTOCK proiektuaren helburua, saltoki eta azpiegitura handietan fluxuak eta trazabilitatea modu adimentsuan kontrolatzeko eta prozesuak digitalizatzeko aukera emango duen sistema integral bat ezartzea da. Prozesu-kate osoa estaltzeko eta kudeatzeko, prozesuetako bakoitzaren adierazleak monitorizatzeko eta denborak, alarmak eta jarduketak (erabakiak hartzeko euskarri-mekanismoak) kudeatzeko aukera emango du. Kontrol eta trazabilitate hori aplikatzeko 3 bloke bertikaletan –ibilgailuen trazabilitatea, salgaien trazabilitatea (stocken kontrola) eta barne-kudeaketaren optimizazioa– eta zeharkako laugarren batean –salgaiak mugitzeko eta biltegiratzeko eragiketek ingurumen-baldintzetan duten eragina– gauzatuko da. Azken horretaz arduratuko da ONDOAN S.Coop. Honako erakunde hauek ere osatzen dute TRAZASTOCK partzuergoa: Eurohelp Consulting –proiektuaren liderra–, Euskadiko Mugikortasun eta Logistika Klusterra, Estibadora Algeposa, Ikusi, Irontec, Profersa, Railsider, Sidenor eta Siderex-Euskadiko Siderurgia Klusterra. Gainera, Zientzia, Teknologia eta Berrikuntzaren Euskal Sareko, Ceiteko, Sidenor I+Gko, Tecnaliako eta Vicomtech-eko eragileek ere hartzen dute parte. Proiektua SPRIk finantzatzen du.