Mondragon Legoan Youtube Ondoan LinkedIn Teléfonos Legoan Search
Español | Euskara | English

Instalazio elektromekanikoak Viralgenentzat, Covid-19aren aurkako txertoaren fabrikatzailearentzat

02/02/2021

Instalazio elektromekanikoak Viralgenentzat, Covid-19aren aurkako txertoaren fabrikatzailearentzat

ONDOAN, Viralgen Commercial Therapeutic Vector Core enpresa Donostiako Parke Teknologikoan eraikitzen ari den instalazio elektromekaniko berrien esleipenduna izan da. Terapia genikorako bektore biralen ekoizpenean espezializatutako enpresa donostiar hori, Massachusetts General Brigham Hospital (MGB) erakundeak eta Harvardeko Unibertsitateak egindako ikerketan oinarritutako COVID-19aren aurkako txertoaren fabrikatzaile izateko aukeratu dute. Viralgenek Estatu Batuetatik kanpo txerto horren ekoizle bakarra izateko esklusibotasuna izango du.

Asklepios Biopharmaceuticals (AskBio) enpresak garatutako Pro10 teknologiari esker, Viralgenek birus adenoasoziatu bolumen handiak denbora laburrean ekoizteko behar diren ezaugarriak biltzen ditu eta aldakuntzetara egokitzeko moldakortasuna du, eta horrek eskala handiko ekoizpena ahalbidetzen du. Duela gutxi, Bayer enpresa farmazeutikoak, Viralgenen % 50aren sortzailea eta jabea den AskBio erosi zuela iragarri zen. Operazio berean, Bayerrek Columbus Venture Partners inbertsio kudeatzailearen, Viralgenen beste sortzailearen beste %  50ari dagokion partaidetza erosteko konpromisoa hartu zuen.

Lan horiek, Giroarekin batera osatutako ABEEaren bitartez gauzatuko dira, eta, besteak beste lan hauek egingo dira: Administrazio-arloetako Elektrizitatea, Komunikazioak, PCI, Iturgintza, Saneamendua, Klimatizazioa eta Aireztapena. ONDOAN arduratuko da, halaber, igogailuak prest jartzeaz eta sarbideak kontrolatzeko sistemez, gasaren instalazioez, garajeetatik airea ateratzeko instalazioez, eskaileren gainpresioaz eta ur bero sanitarioa sortzeko eta banatzeko sistemez.