La Azucarerako eraikinaren (Vitoria-Gasteiz) klimatizazio sistemaren zaharberritzea

17/07/2020

ONDOANek Vitoria-Gasteizko La Azucarera eraikin enblematikoaren klimatizazio instalazioa zaharberritu du, eraikinaren energia kontsumoa murrizteko eta eraginkortasuna hobetzeko xedez. Horretarako, beharrezko lan guztiak egin dira (bora zibila, zulaketak, etab.). Horrela, hiru bero ponpa zaharren ordez, 181 kW-ko hozte potentzia duten bi aire-ur bero ponpa eta 218 kW-koa duen ur-ur bero ponpa bat jarri dira. Ekipo horrek, 200 metroko sakonerako 12 zundaketa bertikalez osatutako eskuratze geotermikoko eremu berriaren kontra egiten du lan, eta eraikin tekniko berrian instalatu da, zundaketen ondoan. Horrez gain, eraikinaren kontrol zentralizatu sistema eguneratu da.

Denborarekin, Azucarera Eraikina Euskadiko industria eta kultur ondarearen sinbolo bilakatu da, duen interes historikoarengatik eta balio arkitektonikoarengatik. Lantegi zaharra 1999an zaharberritu zen, enpresa erabilera berrietara zuzendutako eraikin berezi bilakatzeko xedez.

INDUSTRIA ONDAREA

Fábrica Azucarera Alavesa izenekoa 1904an inauguratu zen. 8.000 m2-ko bere instalazioak, Erresuma Batuko lantegien estetikari jarraituz eraiki ziren. Fausto Íñiguez de Betolazak egindako eraikina industria ondarearen adibiderik onenetakoa da. Fabrika zaharrak 1966ra arte jarraitu zuen ekoizten. 2000. urtean ondasun kultural izendatu zuten, eta gaur egun erabat zaharberrituta dago. Lantegi gisa ezagutu zuen garaitik, pabilioi nagusia eta haren tximinia adierazgarria gordetzen ditu. Gaur egun, goi teknologiako enpresak, ekitaldiak eta kongresuak hartzen ditu.