ONDOAN hainbat proiektu ari da gauzatzen Osakidetzaren Bizkaiko zentroen sarerako

ONDOAN hainbat proiektu ari da aldi berean gauzatzen Osakidetzak-Euskal Osasun Zerbitzuak Bizkaian dituen zentroen sarerako. Alde batetik, Lekeition eta Urduñan dauden kontsultategietako ekoizpen-gelak berritzen ari da; bestetik, Uribe ESIko zentroetan instalazio termikoak mantentzeaz arduratzen den ABEEko kide da.

Horrela, ONDOANek Lekeitioko eta Urduñako kontsultategietako ekoizpen-gelak osorik berritzeko lanak hasi ditu. Bi proiektuetan bilatzen dena, gela horiek erregai ekologiko eta jasangarriagoetatik abiatuta funtzionatzea da. Bero-ekoizpena Biomasa-galdaren bidez zentralizatzeak, propano-gasaren laguntzarekin, bi eraikinen beharrak beteko dituen sistema mistoa izatea ahalbidetuko du.

Gainera, ONDOAN Osakidetzako Uribe ESIko zentroetako instalazio termikoen mantentze-lanen esleipendun den ABEEko kide da, eta garbiketa-, desinfekzio-, kondukzio-, kudeaketa- eta eragiketa-lanak egiten ditu bertan. Uribeko ESIak Urdulizko Alfredo Espinosa Ospitalea, Bidezabal, Alango, Areeta eta Mungiako anbulatorioak eta Astrabudua, Leioa, Sopela, Urduliz, Berango, Erandio Bekoa, Gorliz, Plentzia, Loiu, Sondika, Derio, Lezama eta Zamudioko osasun-zentroak biltzen ditu. Gainera, ONDOAN klimatizaziorako, aireztapenerako eta airearen tratamendurako aire-iragazkiak hornitzeaz arduratzen da.