ONDOANek ULMA Agrícola-k Oñatin (Gipuzkoa) duen industria-planta berriaren instalazioak gauzatu ditu

28/07/2023

ULMA Agrícola, berotegien fabrikazioan eta garapenean esperientzia handia duen enpresak, ekoizpen- eta bulego-instalazio berriak dituen industria-planta berria eraiki du Oñatiko (Gipuzkoa) Munazategi industrialdean. Horietan, ONDOANek klimatizazio-, aireztatze-, eta suteen itzaltze eta detekzio instalazioak egin ditu bulegoetan, eta berokuntza, aireztapen, aire konprimatu, gas natural eta suteak itzaltzeko eta detektatzeko instalazioak nabean.

Bulegoetarako energiaren ekoizpen eta banaketa sistema beroa berreskuratzen duen (hiru hodi) VRF (Hozgarriaren Bolumen Aldakorra) motakoa da; ekoizpen-nabea, berriz, gune handiak berotzeko egokienetakoa den modulu erradiatzaile sistemen bidez berotu da. Instalazioen lotea osatzeko, sua itzaltzeko eskuzko prozeduretan eta alarma-sakagailuetan oinarritutako Suteen Aurkako Babes-sistemak; industria-instalazioan jarduera garatzeko beharrezkoak diren kontsumo-puntuak elikatzeko aire konprimitu sarea, eta gas natural instalazioa ere egin dira.