ONDOANek mantentze-lanen kudeaketa adimendunari heldu dio ‘Smart Buildings, etorkizuneko eraikinak’ jardunaldian

22/05/2023

ONDOANek, eraikinen diseinura, eraikuntzara, kudeaketara eta mantentze-lanetara aplikatutako teknologia digitalen egungo eta etorkizuneko testuingurua aztertzeko Gipuzkoako Ganberak eta SPRI Enpresa Digitalak antolatutako ‘Smart Buildings, etorkizuneko eraikinak’ jardunaldian parte hartu zuen.

Alberto Llorente Mantentze eta Zerbitzuetako Negozio Unitateko zuzendariak, ONDOANek instalazioen mantentze-lanen eraldaketa digitalean duen esperientzia azaldu zuen, baita horrek dakartzan aukerak eta mantentze-lanen kudeaketa adimendunaren etorkizuneko erronkak ere.

Donostiako Teknologia Parkean egindako bilkuran, eraikin adimendunekin erlazionatutako hainbat gaitan sakondu zen. Eraikin adimendunak, beren funtzionamendua eta eraginkortasuna kontrolatzeko eta optimizatzeko teknologia aurreratuak erabiltzen dituzten egiturak dira, okupatzaileen erosotasuna eta segurtasuna maximizatuz eta kostu operatiboak eta ingurumen-inpaktua murriztuz.

Ildo horretan, gaurkotasuneko alderdiak eta soluzio berriak aztertu ziren Smart Design delakoaren, biki digitalen, segurtasunaren digitalizazioaren, eraginkortasunaren hobekuntzaren eta jasangarritasunaren aldeko eraikinen eraldaketaren eremuetan, besteak beste.