ONDOANek Mondragon Hospitalityk Mallorcako Palman antolatzen duen hotel-hornitzaileen lehen azokan (irailaren 28an) hartuko du parte

18/07/2023

Mondragon Hospitalityk, Mondragon Korporazioak hotel-sektoreari eta sektore soziosanitarioari zerbitzuak emateko duen enpresa-aliantzak –ONDOAN horren parte da–, hotel-hornitzaileen lehen azoka egingo du datorren irailaren 28an, Mallorcako Palman. Ekitaldiaren ardatza, hoteletako eta hotel-kateetako arduradunen, erosketa-zuzendarien eta proiektuen kudeatzaileen, arkitektoen eta barne-diseinatzaileen eta sektoreko beste profesional batzuen aurrean klusterraren eskaintza bateratua ezagutaraztea izango da.

Hornitzaileen azokaz gain, mahai-inguruak eta hitzaldiak izango dira hotel-arloko aditu nagusietako batzuen eskutik, jasangarritasunarekin eta energia-eraginkortasunarekin erlazionatutako gaiekin.

Informazio gehiago eta izena ematea

Mondragon Hospitalityn zazpi konpainiak hartzen dute parte. ONDOANez gain, Enea, Erreka, Fagor Electrónica, Gerodan, Krean eta Onnera Contract. Horien guztien baturak produktu eta zerbitzu katalogo zabala eskaintzen du, hauek barne: instalazioen ingeniaritza, ingurumena eta energia, altzarien diseinua eta fabrikazioa, sarbide automatikoak, telebista-, multimedia- eta konektibitate-soluzioak, hotel- eta osasun-ekipamendu integrala, arkitektura- eta ingeniaritza-zerbitzuak eta sukaldeen eta garbitegien ekipamendua, besteak beste.