PCI sistemak Banco Santanderren egoitza den Pereda eraikin historikoan

15/09/2023

ONDOAN izan da Suteen aurkako Babes Sistemen (PCI) esleipenduna Santanderreko Pereda eraikina birgaitzeko lanen barruan. 1923az geroztik eraikin horretan du egoitza soziala Banco Santanderrek, eta bertan gordeko da mila obra baino gehiago biltzen dituen banketxearen arte-bilduma. Erakundearen eta Santanderreko hiriaren arteko harreman historikoak eta artearen zabalkundearekiko konpromisoak eragin dute bilduma Madrilen dagoen Finantza Hiriko erakusketa aretotik Pereda pasealekuko 9-12an dagoen egoitza historikora eramatea. Lekualdaketa horri esker, hirian museo-espazioak irekiko dira, inguruko kultura-eskaintza osatuz.

Proiektu garrantzitsu horri ekiteko, Banco Santanderrek behar funtzional eta arauzko berrietara egokituko du eraikina. Aurreikusitako ekintzen artean eraikin osoa presio altuko ur lainotuarekin era automatikoan itzaltzeko sistemarekin babestea dago. Sistema horrek, xurgapen bidez kea goiz detektatzeko sistemarekin batera, ahalik eta kalte gutxien eragiten duen sute-sistema zehatza, sentsibilitate handikoa eta itzaltzekoa eta kontrolekoa emango dio eraikinari. Horrela, pertsonen segurtasuna bermatuko da, eta, era berean, balio kalkulaezineko artelanak babestuko dira.