Klimatizazioa, aireztapena eta instalazio elektrikoak Valdecillako Ospitalearen (Santander) handiagotze eta eraberritze lanetarako

21/09/2023

ONDOAN instalazioen handiagotze eta eraberritze bi proiektu gauzatzen ari da Kantabriako osasunaren gune nagusia eta konplexutasun patologietan eta prozeduretan erreferentea den Valdecillako Unibertsitate Ospitalean (Santander). Proiektuak, elektrofisiologia-gela berriko eta ebakuntza-gela hibrido bateko klimatizazio- eta aireztapen-instalazioetan eta instalazio elektrikoetan oinarritzen dira.

Eraikinean lehendik dagoen 4 hodiko instalazio bat eraberrituko da, erabilera berrietara egokitzeko. I. klaseko ospitale-eremuko airearen kalitate, erosotasun eta zerbitzu baldintzak lortzeko, hedapen-elementuetan iragazki absolutuak eta presioen kontrol automatikoa aurreikusi dira.