Aurten ere, ONDOANek Eskolako Agenda 21 proiektuan hartu du parte

29/09/2017

Aurten ere, ONDOANek Eskolako Agenda 21 proiektuan hartu du parte. Haren bidez, Bilboko ikastetxeak gazteenak ingurumen-iraunkortasunarekiko kontzientziatzen saiatzen dira. Ikasleek gai jakin bat jorratzen dute ikasturte bakoitzean. Aurten, klima-aldaketa eta osasunarekin duen lotura aztertu dituzte. 2013az geroztik, ONDOANek Bilboko Udalarekin eta Ingurugelarekin (Eusko Jaurlaritzako ingurumen-heziketako programa koordinatzen dituzten zentroak) dihardu elkarlanean, proiektu hori aurrera eraman nahian. Hala, aholku emateaz gain, ingurumen-heziketako eta komunikazioko hainbat jarduera dinamizatzen eta koordinatzen ditu, hala nola ikastetxeen arteko foroa, udal-foroa, hiru hilez behingo informazio-aldizkariak eta agendaren bloga. Halaber, ingurumen-jarduerak egiten ditu, ikasleek ikasturtean zehar haietan parte har dezaten; esate baterako, koordinazio-bilerak eta ingurumen-aholkularitza orokorra.

Eskolako Agenda 21 plana duela 13 urte hasi zen Bizkaiko hiriburuan. Proiektu horri esker, hezkuntza-komunitateak ikastetxeen eta haien ingurunearen ingurumen- eta gizarte-hobekuntzaren alde egiten du lan. Hasieran, 14 ikastetxek hartu zuten parte, eta, orain, berriz, 55 ikastetxe dira guztira.