ONDOAN Auditoría y Control (AyC) erakundeak Antolaketa Osasungarriaren Ziurtagiria eman dio Ausolan taldeari

15/09/2017

ONDOAN Auditoría y Control (AyC) erakundeak Antolaketa Osasungarriaren Ziurtagiria eman dio Ausolan taldeari, taldeentzako sukaldaritza eta garbiketa zerbitzuak ematen dituen kooperatibari. Osasunaren Mundu Erakundearen (OME) eta Lanaren Nazioarteko Erakundearen (LNE) irizpideetan oinarrituta eman dio Ausolani ziurtagiri hori, bere instalazioetan ahalik eta ongizate-maila handiena lortzeko eta mantentzeko egindako ahalegin apartagatik. Bi erakundeen arteko harremana duela sei urte hasi zen. Orduan, ONDOAN AyC-k Ausolan taldeko enpresetan Laneko Arriskuen Prebentziorako arauzko auditoriak egin zituen. Auditoria horiek Ausolan taldeak Euskadin zeuzkan enpresetan soilik egiten ziren, baina, 2014an, taldeak Estatuan dituen enpresa guztietan ere egitea erabaki zen. Gainera, OHSAS ziurtagiria aukeratu zen, eta taldea osatzen zuten 12 enpresei eman zitzaien. 2017an, Ausolan Taldeak beste bi enpresa hartu ditu, Andaluzian, eta ONDOAN AyC-k haiei OHSAS ziurtagiria emateko prozesuari ekin dio, baita Taldean aurretik zeuden 12 enpresei ziurtagiri hori berritzeko ere. Orobat, lehendik egiten zituen arauzko auditoriak egiten jarraitzen du.