Klimatizazio- eta SAB-PCI instalazioak Vitoria-Gasteizen SMC handitzeko

19/05/2021

ONDOANek Klimatizazioko eta Suteen Aurkako Babeseko instalazioak diseinatu eta muntatuko ditu, Jundizko industrialdean (Vitoria-Gasteiz) dagoen SMC Corporation-en Espainiako filialaren egoitza nagusia handitu eta eraberritzeko proiektuan. Filial hori munduko liderra da industriarako automatizazio-soluzioak ematen dituzten osagaien garapen teknologikoan eta sorkuntzan.

Bulegoen klimatizaziorako instalazio berri bat egingo da, lau hodiko induktore bidezko sistema baten aldeko apustua eginez, hozkailu eta galdara bidezko ekoizpenarekin. Bestalde, nabea berotzeko, gas naturaleko erregailua duten berokuntzako aire-klimatizagailuak jarriko dira aire-zainean, bai lehendik dagoen nabean, bai handitzean.

ACSaren ekoizpenari dagokionez, bero-ponpa bat instalatuko da, CO2 konpresorea duen aerotermia bidez ur bero sanitarioa ekoizteko. Kudeaketa Sistema Zentralizatua ere ezarriko da.

SAB-PCI arloan, ONDOAN hornidura berri bat prestatzeaz arduratuko da, metatze-depositua eta ponpatze-sistema barne, eta baita ihinztagailu automatikoen eta eskuzko bitartekoen bidezko itzaltze-sistema bat (BIE eta su-itzalgailuak) eta Suteak Detektatzeko Sistema bat ere.