Mondragon Legoan Youtube Ondoan LinkedIn Teléfonos Legoan Search
Español | Euskara | English

ONDOAN Hikvision topaketa teknologikoan izan da Madrilen

23/06/2023

ONDOAN Hikvision topaketa teknologikoan izan da Madrilen

ONDOAN Taldea ekainaren 21ean eta 22an Madrilen egin den #HikvisionVillage topaketa teknologikoan izan da. Joera sektorialei buruz hitz egiteko eta teknologia berriak partekatzeko sektoreko interes-talde nagusiak bildu dituen berrikuntza-gunea da.

“Teknologiak egoitzetan adinekoen zaintzari egiten dion ekarpena” mahai-inguruan hauek hartu zuten parte, besteak beste: Ibor Rodríguez AMAVIReko Sistema eta Teknologia Zuzendaria; Roberto González DOMUSVIko Soluzio eta Berrikuntza Arduraduna; Adrián de Paz CASAVERDEko Eragiketa Zuzendaria; Mikel Tellaeche AITA MENNIko Zuzendari Gerentea; eta Alfonso Lorenzo HIKVISIONeko Business Development Managerra, moderatzaile gisa.

Mikel Tellaechek duela gutxi AITA MENNI Ospitale Psikiatrikoan asistentziaren barruan teknologia prozesu berritzaile gisa txertatuz ezarri den proiektuaren arrakastaren berri emateko aukera izan du. Proiektu horretan ONDOANek AITA MENNIren IKT soluzioen partner estrategiko gisa hartu du parte, hasiera-hasieratik proiektuan inplikatu diren ospitaleko zuzendaritza eta departamentuetako profesionalak ere proiektuan traktore gisa sartuz. Talde-lanari eta Hikvisionen adimen artifizialeko (AA) segurtasun-sistemak komunikazio-plataformekin eta paziente-erizain sistemarekin integratzeari esker, pertsonentzako arrisku-egoeren prebentzioa hobetzea lortu da, ia berehalako erantzun-denborekin. Segurtasun-sistemak alarmak sortzen ditu denbora errealean, bai kontrol-postuetan (irudiak bistaratzen dira), bai langileen telefonoetan bertan, eta arrisku-egoerei ia berehala erantzuteko aukera ematen du, erorikoei, noraezei, aurrez ezarritakoak baino komuneko egonaldi luzeagoei, gelatik irteteari…, besteak beste.

AITA MENNI AHIZPA OSPITALARIOEN taldearen barruan dago. Nazio mailan, taldea ohe kopuruan bigarrena eta fakturazioan hirugarrena da. Ekainaren 1ean 125 urte bete ditu. Osasun mentalean, adineko pertsonekin, desgaitasunean, kalte zerebralaren errehabilitazioan… egiten du lan. 900 ohe baino gehiago ditu ospitalearen eta 3 egoitza-zentroren artean. 1.400 paziente inguru artatzen ditu egunero, eta Euskal Autonomia Erkidegoko 21 herritan eta, laguntza teknikoen programa baten bidez, Gipuzkoako 5.000 etxebizitzatan baino gehiagotan dago.

Nabarmendua

ONDOANan nazioartera zabalduko da, Mexikon eta Marokon ezarriz

ONDOANan nazioartera zabalduko da, Mexikon eta Marokon ezarriz

28/07/2016


ONDOAN BERRIAK


ONDOANek SECOVE Kongresuan hartu du parte, LH energia jasangarrien sektorera eta emakumearen rola STEMera bultzatzeko eta egokitzeko Europako proiektuan

09/07/2024


ONDOANek bere markesina fotovoltaikoen zerbitzuaren abantailak azalduko ditu AFE-APCE II. Kongresuan

05/07/2024


ONDOANek soluzioen integratzailearen ikuspegia eman du “Suteak baterietan” jardunaldian

18/06/2024



Kategoriak


Artxiboa


Partekatu